സന്ധ്യ മയങ്ങും നേരം

 ജപസന്ധ്യ മായുമീ നേരത്തിൽ ഞാനൊരു

പദതാളസ്പന്ദനം കേട്ടുനിന്നു 

അതുകേട്ടുനിന്നൊരീ  പാഴ്മുളം തണ്ടിൽ 

രാപ്പുവിരിഞ്ഞൊരു പൂതിങ്കളായ്...

                                           

                                         
താരാമലർമണം തൂകി അപ്സരസുകൾ 

ഏതോ ഗാഥയിൽ അലിഞ്ഞനേരം...

സൂര്യാംശുതന്നുടെ ചുംബനം മോഹിച്ച 

താമരപെണ്‍കൊടി തളർന്നുറങ്ങി...

                                       

                                         

പൊൻനിലാപ്പൊയ്കയിൽ നീരാടി വാർമതി 

എൻ തന്ത്രിയിൽ മെല്ലെ തഴുകിയപ്പോൾ ...

ആ മൗനരാഗമരീചിയിൽ അലിഞ്ഞുപോയ്‌ 

എൻ മനവും ഹൃത്തും സ്വപ്നങ്ങളും...