തെറ്റ്

പെരുകുന്ന സ്വപ്നങ്ങളും കുതിക്കുന്ന മനവും

കേട്ട പിൻവിളികളിൽ നിലയ്ക്കാത്ത യാത്ര...

യാത്ര ആരംഭിച്ചത് ഒരു ചോദ്യത്തിൽ നിന്നായിരുന്നു;

"അമ്മേ... ഭൂമിയിൽ സ്വർഗം എവിടെയാണ്???"

യാത്രയുടെ വേഗം കൂടിയിരിക്കുന്നു...

മാളികയും മണിമഞ്ചലും ഭൃത്യരും,

ആ മൂഢ സ്വർഗത്തിൽ അവൻ ഏകനായ് വാഴുന്നു...

ഇന്ന് അവന്റെ ചോദ്യത്തിന് ഉത്തരമേകാൻ, 

ആരെയും കണ്ടില്ല...

എങ്കിലും അവൻ അറിയുന്നു;

അന്ന് തന്നെ മാറോടണച്ച പുഞ്ചിരിയിൽ വിടർന്നൊരു, 

വാത്സല്യ പുഷ്പ്പമായിരുന്നു ആ സ്വർഗം...

സ്വപ്നങ്ങളിൽ സ്വർഗം മെനയുമീ തെറ്റുകൾ തുടരുമ്പോൾ...

ഒരു നിമിഷം കൊതിപ്പൂ  ഞാൻ;

അവൻ ഒരിക്കലും എന്നിൽ ഉണരാതിരിക്കട്ടെ...